Per cumpletar nies team encurin nus persunas che dattan bugen  giugs.

 

Lavuras Ti bugen cun affons, has Ti plascher da dar giugs ed emprender e declarar las reglas da novs giugs,

lu eis Ti el dretg liug tier nus . 

Tiu pensum: Ti gidas 2 – 3 ga per meins duront il temps d’avertura en ludoteca, prendas part allas seras da

giugs meinsilas, gidas tier occurenzas e frequentas la scolaziun da giugs. 

Nus purschin: lavur en in team engaschau en ina biala e beindrizzada ludoteca, abonnament gratuit,

finanziaziun dalla scolaziun ed appreziaziun da Tia lavur.

 

Havein nus svegliau Tiu interess? 

S’annunzia tier: Monique Huonder 079 791 77 74 

Stefania Ritter 079 650 71 20 

ni neu sperasora en ludoteca duront in temps d’avertura. 

 

Nus selegrein sin Tei 

Il team dalla Ludoteca Disentis/Mustér e contuorn 

 

Halla Cons Disentis/Mustér (gliendisdis e venderdis 18.30 – 20.00 uras e gievgia 16.00 – 17.30 uras).

 

La ludoteca disentis/mustér e contuorn giavischa a tuttas e tuts bialas aventuras da giug. 

Temps d'avertura:

gliendisdis

18:30 - 20:00

gievgia

16:00 - 17:30

venderdis

18:30 - 20:00

Naven digl onn 2016 vegn lu ludoteca era sustenida finanzialmein dalla Vischnaunca da Medel, dalla Vischnaunca da Tujetsch e dalla Vischnaunca da Sumvitg. Ord quei motiv ha il team dalla Ludoteca Mustér decidiu a caschun dalla radunonza generala che ha giu liug ils 3 da fevrer 2016 da midar il num dalla Ludoteca Mustér. Il niev num ei Ludoteca Mustér e contuorn..

Daniev dat ei era Antolin per differents giugs

 

Leger e capir instrucziuns da giug ei nuota adina aschi sempel. Antolin sa gidar tei da capir pli spert las differentas instrucziuns da giug ed ei fa perfin spass da leger instrucziuns da giugs cun Antolin.

Ina remarca: Antolin tschenta mo damonds che sefatschentan exclusivamein cun las reglas dil giug. Biaras famiglias giogan denton savens - senza saver - tenor atgnas reglas. Avon mintga quiz dad Antolin stos ti perquei aunc ina gada leger l'instrucziun dil giug e dar il giug.

Il quiz dad Antolin sas ti far tier tut ils giugs che han si il taccader dad Antolin.