Il Memo da Mustér ei in giug da memory ch'ei vegnius creaus dalla Ludoteca Mustér aposta pil 15-avel anniversari dalla Ludoteca Mustér igl onn 2012.

 

Ils 32 pèrs da cartas muossan mintgamai in liug dalla Vischnaunca da Mustér ord la perspectiva d'avon biabein 100 onns ed ord la perspectiva dad oz. Igl exempel cheusut muossa la Claustra da Mustér cun il stradun principal encunter sera.

 

Vesta sin la Claustra da Mustér e la staziun encunter nord.

 

 Tier il giug s'auda in cudischet cun ina cuorta informaziun tier ils differents loghens per tudestg, romontsch, talian ed engles.

 Il Memo da Mustér cuosta 34.- fr. e sa vegnir retratgs directamein dalla Ludoteca Mustér ni tier las suandontas fatschentas a Mustér:

  • stizun dil Spar
  • papeteria Hosang
  • spurtegl dalla staziun
  • canzlia communala
  • pasternaria Goldmann